O'QUVCHILARDA RAQAMLI MADANIYATNI SHAKLLANTIRISHDA ROBOTOTEXNIKA TEXNOLOGIYALARINING O'RNI.

Mazkur maqolada o‘quvchilarda raqamli madaniyatni shakllantirishda robototexnika texnologiyalarining o‘rni, ularning ta’lim jarayonida innovatsion yondashuvlarni rivojlantirishdagi ahamiyati hamda o‘quvchilarning raqamli kompetensiyalarini oshirishga ta’siri tahlil qilinadi. Robototexnika texnologiyalari yordamida o‘quvchilar dasturlash asoslarini o‘rganish, algoritmik fikrlashni rivojlantirish, texnik qurilmalar bilan ishlash ko‘nikmalarini egallash hamda raqamli muhitda samarali faoliyat yuritish imkoniyatiga ega bo‘ladilar. Tadqiqotda robototexnika asosidagi amaliy mashg‘ulotlar, loyihaviy o‘qitish metodlari va interaktiv texnologiyalarning o‘quvchilarda mas’uliyatli raqamli foydalanish madaniyatini shakllantirishdagi roli yoritiladi. Shuningdek, robototexnika texnologiyalarini ta’lim tizimiga integratsiya qilish orqali o‘quvchilarning ijodiy, analitik va texnik kompetensiyalarini rivojlantirish imkoniyatlari asoslab beriladi.