PSIXOLOGIK STRESS VA SOMATIK KASALLIKLAR O'RTASIDAGI BOG'LIQLIK

Zamonaviy jamiyatda psixologik stress inson salomatligiga ta’sir etuvchi eng muhim xavf omillaridan biri sifatida qaralmoqda. Doimiy ruhiy zo‘riqishlar organizmda murakkab fiziologik va biokimyoviy o‘zgarishlarni yuzaga keltirib, turli somatik kasalliklarning rivojlanishiga sabab bo‘lishi mumkin. Ushbu maqolada psixologik stress tushunchasi, uning asosiy turlari, organizmga fiziologik ta’siri hamda yurak-qon tomir, oshqozon-ichak, endokrin va immun tizimi kasalliklari bilan bog‘liqligi ilmiy manbalar asosida batafsil tahlil qilinadi. Shuningdek, stressning kasalliklar kechishiga ta’siri va uni kamaytirish orqali somatik kasalliklarning oldini olish imkoniyatlari yoritiladi.