BOSHLANG'ICH SINF MUSIQA TA'LIMIDA FOLK-5M MODELI ASOSIDA O'QUVCHILARNING MUSIQIY QOBILIYATINI RIVOJLANTIRISH

mazkur maqolada boshlang'ich sinf musiqa darslarida o'quvchilarning musiqiy qobiliyatini rivojlantirish masalasi folklor musiqasi asosida tadqiq etilgan. Tadqiqotning asosiy maqsadi o'quvchilarning musiqiy tafakkuri, ijodiy faolligi va estetik didini rivojlantirishga yo'naltirilgan, FOLK-5M integrativ pedagogik modelini ishlab chiqish va ilmiy asoslashdan iborat. Maqolada bu yangi FOLK-5M modelining falsafiy (F), obrazli (O), lingvomadaniy (L), kreativ (K) va metodik-modellashtiruvchi (M) komponentlari ochib berilib, ularning musiqiy ta'lim jarayonidagi o'zaro bog'liqligi tahlil qilingan. Model folklor kuyqo'shiqlarining badiiy-obrazli, ma'naviy va madaniy imkoniyatlarini musiqiy ta'limga integratsiyalash orqali o'quvchilarning musiqiy eshitish, ritm sezgisi, xotira va ijodkorlik qobiliyatlarini kompleks rivojlantirishga xizmat qiladi. Tadqiqot natijalari FOLK-5M modeli asosida tashkil etilgan musiqa darslari boshlang'ich sinf o'quvchilarining musiqiy qobiliyatlarini rivojlantirish bilan birga milliy madaniy merosni ongli o'zlashtirishiga samarali ta'sir ko'rsatishini tasdiqlaydi.