RAQAMLI IQTISODIYOT SHAROITIDA MINTAQADA YASHIRIN IQTISODIYOTNI QISQARTIRISH YO'NALISHLARI

Mazkur ilmiy maqolada raqamli iqtisodiyot sharoitida mintaqani barqaror rivojlantirish jarayonida yashirin iqtisodiyotni qisqartirish masalalari tizimli ravishda tahlil qilinadi. Tadqiqotda yashirin iqtisodiyotning mintaqaviy rivojlanishga salbiy ta’siri, raqamli transformatsiya jarayonlarining iqtisodiy munosabatlar shaffofligini oshirishdagi o‘rni hamda raqamli moliyaviy va institutsional mexanizmlarning samaradorligi yoritilgan. Elektron to‘lovlar, raqamli soliq ma’muriyatchiligi, moliyaviy inklyuziya va raqamli ma’lumotlar integratsiyasi yashirin iqtisodiyotni qisqartirishning asosiy omillari sifatida asoslab berilgan. Tadqiqot natijalari raqamli iqtisodiyot vositalaridan oqilona foydalanish mintaqada rasmiy bandlikni oshirish, soliq bazasini kengaytirish va iqtisodiy samaradorlikni kuchaytirishda muhim ahamiyatga ega ekanligini ko‘rsatadi.