ЎЗБЕКИСТОН ТУРИЗМ ИНДУСТРИЯСИНИНГ ЖАҲОН БОЗОРИДА РАҚОБАТБАРДОШЛИГИНИ ТАЪМИНЛАШДА СТРАТЕГИК МАРКЕТИНГНИНГ РОЛИ

Мақолада глобаллашув жараёнида Ўзбекистон туризм саноатининг рақобатбардошлигини шакллантириш ва оширишда стратегик маркетингнинг роли ўрганилган. Халқаро туризм бозорида барқарор рақобатбардошликни таъминлаш учун фақатгина туристик салоҳиятнинг ўзи билан етарли эмаслиги ва бунинг учун тизимли маркетинг воситаларидан фойдаланиш лозимлиги кўрсатилган. PESTLE-таҳлили, 7P маркетинг микс модели ва SWOT-таҳлили каби стратегик таҳлил усулларидан фойдаланган ҳолда, мамлакат туризм саноатининг ривожланишига тўсқинлик қилувчи асосий омиллар аниқланган. Рақамли маркетинг, ҳудудий брендинг ва туризм талабининг мавсумийлигига алоҳида эътибор қаратилган. Омниканалли маркетинг стратегияларини амалга ошириш, туризм маҳсулотларини диверсификация қилиш ва йўналиш брендини ривожлантириш бўйича амалий тавсиялар ишлаб чиқилган. Таклиф этилаётган ёндашувларни амалга ошириш Ўзбекистоннинг глобал туризм бозоридаги мавқеини мустаҳкамлашга ва хизмат кўрсатиш соҳасининг иқтисодий самарадорлигини оширишга ёрдам бериши асослаб берилган..