AHOLI XONADONLARI VA QISHLOQ XO'JALIGINI RAQAMLASHTIRISH ORQALI UY XO'JALIKLARI IQTISODIYOTI SAMARADORLIGINI OSHIRISH OMILLARI

Ushbu maqolada aholi xonadonlari va qishloq xo‘jaligini raqamlashtirish jarayonining uy xo‘jaliklari iqtisodiyoti samaradorligiga ta’siri tahlil qilinadi. Tadqiqotda raqamlashtirish axborot sifati va integratsiyasini yaxshilash orqali daromadlarni hisobga olish, iste’mol tuzilmasini aniqlash hamda resurslardan foydalanish samaradorligini oshirish mexanizmi sifatida ko‘rib chiqiladi. O‘zbekiston Respublikasida aholi va qishloq xo‘jaligini ro‘yxatga olish bo‘yicha amalga oshirilayotgan institutsional islohotlar misolida raqamli ma’lumotlar bazalarining iqtisodiy siyosat samaradorligini oshirishdagi roli asoslab beriladi. Tadqiqot natijalari uy xo‘jaliklari iqtisodiyotini boshqarishda raqamlashtirishning amaliy ahamiyatini ko‘rsatadi.