RAQAMLI IQTISODIYOT SHAROITIDA TARIXIY OBIDALAR ASOSIDA TADBIRKORLIKNI RIVOJLANTIRISHNING IQTISODIY SAMARADORLIGI

Mazkur tadqiqot, raqamli iqtisodiyot sharoitida tarixiy obidalar negizida tadbirkorlik faoliyatini rivojlantirishning iqtisodiy samaradorligini oshirish masalalariga bag‘ishlangan. Tadqiqotda tarixiy-madaniy meros obyektlaridan foydalanish jarayonida raqamli texnologiyalar, raqamli platformalar, elektron savdo, smart-turizm va axborot-kommunikatsiya texnologiyalarini joriy etish orqali tadbirkorlik subyektlarining iqtisodiy faolligini kuchaytirish imkoniyatlari tahlil qilinadi. Shuningdek, tarixiy obidalar atrofida faoliyat yurituvchi kichik biznes va xususiy tadbirkorlik subyektlarining raqamli transformatsiyasi, ularning investitsiyaviy jozibadorligi, xizmatlar sifati, raqobatbardoshligi va daromadlilik darajasiga ta’siri o‘rganiladi. Tadqiqot doirasida raqamli texnologiyalarni joriy etish natijasida turizm, xizmat ko‘rsatish, savdo, hunarmandchilik va kreativ industriya kabi milliy iqtisodiyot tarmoqlarida yuzaga kelayotgan multiplikativ iqtisodiy samaralar asoslab beriladi. Ilmiy ishda tarixiy obidalar asosida rivojlanayotgan tadbirkorlik faoliyatining iqtisodiy samaradorligini baholash uchun zamonaviy iqtisodiy-statistik, iqtisodiy-matematik va empirik tahlil usullaridan foydalaniladi. Tadqiqot natijalari asosida tarixiy obidalar bilan bog‘liq tadbirkorlikni raqamli rivojlantirishga qaratilgan amaliy taklif va tavsiyalar ishlab chiqiladi hamda ularni milliy iqtisodiyot tarmoqlarida qo‘llash mexanizmlari taklif etiladi.