G'ovlar orasidagi ritmik masofa tuzilishining sportchilarning musobaqadagi natijalariga ta'sirini tahlil qilish

Mazkur maqolada g‘ovlar orasidagi masofa ritmining g‘ovlar osha yugurish musobaqalaridagi natijalarga ta’siri o‘rganildi. Unda yugurishning ritmik tuzilishi bilan bog‘liq asosiy omillar, xususan sportchilarga to‘siqlarni yengib o‘tish jarayonida vaqt va energiya sarfini kamaytirishga xizmat qiluvchi optimal qadam uzunligi hamda chastotasi tahlil qilindi. Shuningdek, g‘ovlar orasidagi masofalardagi ritmik o‘zgarishlarning yuguruvchilarning texnik harakatlari, tezlik ko‘rsatkichlari va umumiy samaradorligiga ta’sirini ochib beruvchi ilmiy ma’lumotlar hamda amaliy kuzatuvlar asosida tahliliy xulosalar ishlab chiqildi.