CHORVACHILIKDA QORAMOL KASALLIKLARiNI ANIQLASHDA TURLI MODELLARNI QO'LLASH VA SAMARADORLIGINI OSHIRISH TEXNOLOGIYASI

Hozirgi kunda aqlli chorvachilik fermalarini rivojlantirish jarayonida qoramol kasalliklarini erta aniqlash muhim ahamiyat kasb etmoqda. Ushbu maqolada sun’iy intellekt, mashinaviy o‘rganish va IoT texnologiyalaridan foydalangan holda qoramollar salomatligini kuzatish va tahlil qilishga mo‘ljallangan algoritmik va dasturiy ta’minot yechimlari tahlil qilinadi. Tadqiqot natijasida biometrik ma’lumotlarni (harorat, yurak urishi, harakat faolligi) qayta ishlash orqali kasalliklarni erta bosqichda aniqlash algoritmi ishlab chiqildi. Ushbu tizim fermerlarga hayvonlarning sog‘lig‘i to‘g‘risida real vaqt rejimida ma’lumot berib, kasalliklarning oldini olish va chorvachilik xo‘jaliklarining samaradorligini oshirishga xizmat qiladi. Shuningdek, maqolada taklif etilgan dasturiy ta’minotning texnik jihatlari, ma’lumotlarni qayta ishlash metodlari va amaliy qo‘llanilish imkoniyatlari yoritib berilgan.