TURKIY XALQLAR MADANIYATIDA TRANSFORMATSIYA JARAYONLARIDA AYOL OMILINING FALSAFIY TAHLILI

Mazkur maqolada turkiy xalqlar madaniyatida yuz berayotgan transformatsiya jarayonlari ayol omili prizmasi orqali ijtimoiy-falsafiy jihatdan tahlil qilinadi. Tadqiqotda madaniy transformatsiya tushunchasining falsafiy mazmuni ochib berilib, an’ana va modernlik o‘rtasidagi dialektik munosabatlar kontekstida ayolning jamiyatdagi o‘rni va mavqeidagi o‘zgarishlar yoritiladi. Shuningdek, ayol omilining madaniy tiklanish, ijtimoiy yuksalish va barqaror taraqqiyot jarayonlaridagi roli tahlil qilinadi. Maqolada O‘zbekiston, Turkiya va Ozarbayjon misolida turkiy xalqlarga xos madaniy qadriyatlar tizimida ayol obrazining tarixiy va zamonaviy talqinlari qiyosiy asosda ko‘rib chiqiladi. Tadqiqot natijalari turkiy jamiyatlarda ayol subyektivligining kuchayishi madaniy transformatsiyaning muhim falsafiy omillaridan biri ekanini asoslab beradi hamda xotin-qizlarning ilmiy, ijtimoiy va madaniy jarayonlardagi faolligini oshirish zaruratini falsafiy nuqtai nazardan ochib beradi.