BOLALARDA YO'G'ON ICHAKNING FIKSATSIYA VA ROTATSIYA ANOMALIYALARINI TASHXISLASHDA ZAMONAVIY INSTRUMENTAL ALGORITMLARNING KLINIK AHAMIYATI

Bolalarda yo‘g‘on ichakning fiksatsiya va rotatsiya anomaliyalari (YIFvRA)ni o‘z vaqtida aniqlash bolalar jarrohligi amaliyotida murakkab diagnostik muammolardan biri hisoblanadi [1,3]. Ushbu patologiya ko‘pincha nospetsifik klinik belgilar bilan kechib, funksional ich qotishi, dispeptik holatlar yoki ovqat hazm qilish tizimining yetilmaganligi bilan adashtiriladi [4,6]. Natijada bemorlarga uzoq vaqt davomida samarasiz konservativ davolash qo‘llanilib, tashxis kech qo‘yiladi [1,6]. YIFvRAning kech aniqlanishi ichak volvulusi, ichak tutilishi, ishemik o‘zgarishlar va peritonit kabi og‘ir asoratlar rivojlanishiga olib kelishi mumkin [3,8,10]. Shu sababli YIFvRAni tashxislashda klinik baholash bilan bir qatorda zamonaviy instrumental tekshiruvlarga asoslangan aniq va ketma-ket diagnostik algoritm ishlab chiqish muhim ahamiyat kasb etadi [2,6]. So‘nggi yillarda tasvirlash texnologiyalarining rivojlanishi YIFvRAni aniqlash imkoniyatlarini kengaytirdi [2,6]. Biroq amaliyotda ushbu usullarning noto‘g‘ri ketma-ketlikda yoki yetarli darajada qo‘llanilmasligi tashxis aniqligini pasaytirib kelmoqda [5,6]. Shu bois instrumental yondashuvlarning klinik ahamiyatini tizimli tahlil qilish dolzarb hisoblanadi [7,8].