DAVLAT QARZI VA INFLYATSIYA O'ZARO TA'SIRINING XALQARO TAJRIBASI

Mazkur maqolada davlat qarzi va inflyatsiya o‘rtasidagi o‘zaro ta’sirning xalqaro tajribasi nazariy va empirik jihatdan tahlil qilinadi. Tadqiqotda rivojlangan va rivojlanayotgan mamlakatlar misolida davlat qarzi dinamikasi hamda inflyatsion jarayonlar o‘rtasidagi bog‘liqlik o‘rganilib, fiskal va monetar siyosat uyg‘unligining makroiqtisodiy barqarorlikka ta’siri baholanadi. Xalqaro amaliyot shuni ko‘rsatadiki, davlat qarzining inflyatsiyaga ta’siri bevosita emas, balki byudjet taqchilligini moliyalashtirish usullari, qarzning monetizatsiya darajasi, markaziy bank mustaqilligi va institutsional sifat omillari orqali shakllanadi. Ayrim davlatlarda fiskal dominanta sharoitida qarzning ortishi inflyatsion bosimni kuchaytirgan bo‘lsa, boshqa mamlakatlarda qat’iy pul-kredit siyosati va samarali qarz boshqaruvi inflyatsiyani nazorat ostida ushlab turishga imkon bergan.