TRANSPORT INVESTITSIYALARINING SHAHAR IQTISODIY RIVOJLANISHIGA TA'SIRI

Mazkur ilmiy tezisda transport infratuzilmasiga yo‘naltirilgan investitsiyalarning shahar iqtisodiy rivojlanishiga ta’siri nazariy va empirik jihatdan tahlil qilinadi. Tadqiqotda transport investitsiyalarining yalpi hududiy mahsulot (YHM) o‘sishi, bandlik darajasi, biznes faolligi, logistika xarajatlari va investitsion jozibadorlik ko‘rsatkichlariga ta’siri o‘rganilgan. Infratuzilma kapitalining multiplikativ effekti, ya’ni qurilish bosqichida yangi ish o‘rinlari yaratilishi, ekspluatatsiya davrida tranzaksion xarajatlarning kamayishi hamda uzoq muddatda xususiy investitsiyalar hajmining ortishi ilmiy asosda yoritilgan. Tahlillar shuni ko‘rsatadiki, transport loyihalari shahar iqtisodiy makonining kengayishiga, mehnat bozori integratsiyasiga va hududlararo savdo aloqalarining rivojlanishiga xizmat qiladi. Shu bilan birga, investitsiyalarning samaradorligi loyihalarning iqtisodiy asoslanganligi, moliyalashtirish mexanizmlarining shaffofligi va boshqaruv tizimining sifatiga bog‘liq ekani aniqlangan.