RAQAMLI LOGISTIKA PLATFORMALARINI JORIY ETISHNING TRANSPORT SAMARADORLIGIGA TA'SIRI

Ushbu maqolada raqamli logistika platformalarini joriy etishning transport samaradorligiga ta’siri nazariy va empirik jihatdan tahlil qilinadi. Tadqiqot O‘zbekiston transport-logistika tizimida so‘nggi yillarda amalga oshirilayotgan raqamlashtirish jarayonlari, jumladan elektron hujjatlashtirish, real vaqt monitoringi, multimodal boshqaruv va bojxona jarayonlarini avtomatlashtirish mexanizmlariga asoslanadi. Maqolada 2019–2026-yillar dinamikasi asosida yuk tashish hajmi, tranzit vaqti, logistika xarajatlari hamda raqamlashtirish darajasi o‘rtasidagi bog‘liqlik iqtisodiy-statistik usullar yordamida baholanadi. Tahlil natijalari raqamli logistika platformalarining joriy etilishi transport jarayonlarining tezkorligi va shaffofligini oshirishini, tranzit vaqtini qisqartirishini hamda logistika xarajatlarini kamaytirishini ko‘rsatadi. Shuningdek, multimodal integratsiya va axborot almashinuvi tizimlari eksport-import operatsiyalarining samaradorligini oshirib, mamlakatning tranzit salohiyatini kuchaytirishi aniqlangan.