BANKLARDA MUDARABA LOYIHALARINI MOLIYALASHTIRISHDA KORXONALAR RISKLARINI TAHLIL QILISH YO'LLARI

Ushbu maqolada O‘zbekiston bank sektorida islomiy moliyalashtirish instrumentlaridan biri bo‘lgan mudaraba asosida investitsiya loyihalarini moliyalashtirish jarayonida yuzaga keladigan korxona risklarini tahlil qilish va ularni boshqarish vositalari ilmiy asosda o‘rganilgan. Tadqiqotda mudaraba bitimlarining iqtisodiy mohiyati, risklarning turlari va ularning bank hamda tadbirkor o‘rtasida taqsimlanish mexanizmlari tahlil qilingan. Shuningdek, moliyaviy, operatsion, shariatga muvofiqlik, axborot assimetriyasi va bozor risklarining mudaraba loyihalariga ta’siri baholangan. Tadqiqot natijalariga ko‘ra, risklarni samarali boshqarish uchun zamonaviy risk-menejment vositalarini joriy etish, shaffof monitoring tizimini yaratish va institutsional mexanizmlarni takomillashtirish bo‘yicha ilmiy-amaliy takliflar ishlab chiqilgan