INSON KAPITALINING IQTISODIY MAZMUNI VA UNING MINTAQA IJTIMOIY-IQTISODIY RIVOJLANISHIDAGI O'RNI

Mazkur maqolada inson kapitalining iqtisodiy mazmuni hamda uning mintaqaviy ijtimoiy-iqtisodiy rivojlanishdagi roli nazariy va empirik asosda tahlil etiladi. Klassik va zamonaviy yondashuvlar umumlashtirilib, O‘zbekiston bo‘yicha makroiqtisodiy ikkilamchi statistik ma’lumotlar asosida tahlil o‘tkazildi. Natijalar inson kapitalining iqtisodiy o‘sish, strukturaviy modernizatsiya va mintaqaviy barqarorlikka sezilarli ta’sirini ko‘rsatdi. Ta’lim qamrovi, sog‘liq ko‘rsatkichlari va inson kapitali indeksi dinamikasining aholi jon boshiga YaIM bilan uzviy bog‘liqligi aniqlandi. Shu bilan birga, innovatsion infratuzilmaning sust rivojlanganligi inson kapitalining iqtisodiy samaradorligini cheklovchi omil sifatida baholandi hamda tegishli amaliy tavsiyalar ishlab chiqildi