UBAYDIY G'AZALLARIDA ARABCHA SIFATLARNING QO'LLANILISHI

O‘zbek tili tarixini o‘rganish o‘zining uzoq o‘tmishiga ega bo‘lsa-da, muayyan bir asardagi arabizmlardan foydalanishning o‘ziga xos xususiyatlarini tadqiq etish muammoligicha qolmoqda. Ayniqsa, Ubaydiyning o‘zlashma so‘zlarga bo‘lgan munosabatini bir asari asosida o‘rganish buyuk adib ijodini yanada chuqurroq o‘rganishga yordam beradi. Ubaydiy asarlari tilning xususiyatlarini to‘liq ochish uchun tadqiqot ishlari olib borish zarur. Zero, bu bebaho merosni zamonamiz ahliga yetkazish xalqimiz ma’naviyatini oshirishda muhim ahamiyatga ega. Bu nafaqat Ubaydiy ijodini chuqur o‘rganishga, balki XV–XVI asr turkiy adabiy tilining umumiy xususiyatlarini yoritishga xizmat qiladi.