SUV RESURSLARI VA ULARNING IFLOSHLANISH DARAJASI

Mazkur maqolada suv resurslari, ularning hozirgi holati va ifloslanish darajasi bilan bog‘liq muammolar tahlil qilinadi. Global miqyosda suv resurslarining kamayishi va sifatining yomonlashuvi iqlim o‘zgarishi, aholi sonining tez o‘sishi, sanoat va qishloq xo‘jaligida suvdan noto‘g‘ri foydalanish hamda yer osti suvlarining haddan tashqari ekspluatatsiyasi bilan bevosita bog‘liq ekani yoritilgan. Shuningdek, suv tanqisligi va ifloslanishining inson salomatligi, iqtisodiyot hamda ekologik tizimlarga ko‘rsatadigan salbiy ta’siri ko‘rib chiqilgan. Jahon banki hisobotlari asosida yashil iqtisodiyotga o‘tish jarayonida suv resurslarini boshqarishning ahamiyati ochib berilgan. Tadqiqotda keltirilgan muammolar O‘zbekiston sharoitida ham dolzarb bo‘lib, suv resurslarini muhofaza qilish va ulardan oqilona foydalanish zarurligi asoslab berilgan.