BOSHLANGʻICH SINF OʻQUVCHILARINING MAKTAB MUHITIGA IJTIMOIY- PSIXOLOGIK MOSLASHUVIGA TA'SIR ETUVCHI OMILLAR

Mazkur ilmiy maqolada boshlangʻich sinf oʻquvchilarining maktab muhitiga ijtimoiy-psixologik moslashuviga ta'sir etuvchi omillar ilmiy manbalar asosida tahlil qilinadi. Tadqiqotda yosh xususiyatlari, oilaviy muhit, o‘qituvchi shaxsining roli, sinf jamoasi, ta'lim jarayonining tashkil etilishi, maktab iqlimi va psixologik qo‘llab-quvvatlash omillari o‘rganildi. Ilmiy adabiyotlar va empirik tadqiqotlar tahliliga ko‘ra, maktabga ilk moslashuv davri 6–7 yosh oralig‘ida psixologik rivojlanishning muhim bosqichi hisoblanadi hamda ushbu davrda emotsional barqarorlik, ijtimoiy ko‘nikmalar va motivatsiya darajasi asosiy indikator sifatida namoyon bo‘ladi. Tadqiqot natijalari shuni ko‘rsatadiki, moslashuv jarayoniga ijobiy ta'sir etuvchi asosiy omillar – qo‘llab-quvvatlovchi oilaviy muhit, demokratik pedagogik uslub va ijobiy sinf iqlimidir .