QISHLOQ SHAROITIDA IQTISODIYOTNI RIVOJLANTIRISHNING YANGICHA TAMOYILLARI

Mazkur ilmiy maqolada qishloq sharoitida iqtisodiyotni rivojlantirishning zamonaviy va innovatsion tamoyillari nazariy hamda amaliy jihatdan tahlil qilingan. Tadqiqot doirasida qishloq hududlarida iqtisodiy rivojlanishni ta’minlashga qaratilgan yangi iqtisodiy mexanizmlar, xususan, diversifikatsiya, raqamlashtirish, innovatsiyalarni joriy etish, kichik biznes va tadbirkorlikni rivojlantirish, infratuzilmani modernizatsiya qilish hamda inson kapitalini rivojlantirish omillari o‘rganilgan. Shuningdek, qishloq xo‘jaligi ishlab chiqarishini modernizatsiya qilish, agroklaster tizimini rivojlantirish va raqamli texnologiyalarni qo‘llash orqali iqtisodiy samaradorlikni oshirish imkoniyatlari asoslab berilgan. Tadqiqot natijalariga ko‘ra, qishloq iqtisodiyotini barqaror rivojlantirish uchun innovatsion yondashuvlar, institutsional islohotlar va zamonaviy boshqaruv mexanizmlarini joriy etish muhim ahamiyatga ega ekanligi aniqlangan.