БАСТАУЫШ СЫНЫП ОҚУШЫЛАРЫНДА СЮЖЕТТІК СУРЕТТЕР АРҚЫЛЫ ОҚУШЫЛАРДЫҢ БАЙЛАНЫСТЫРЫП СӨЙЛЕУІН ЖЕТІЛДІРУ ЖОЛДАРЫ

Мақалада бастауыш сынып оқушыларының байланыстырып сөйлеу дағдысын дамыту мәселесі қазіргі тілдік білім берудің маңызды бағыттарының бірі ретінде қарастырылады. Осы тұрғыдан алғанда, сюжеттік суреттерді оқу үдерісінде қолдану – оқушылардың байланыстырып сөйлеуін жетілдірудің тиімді әдістерінің бірі ретінде көрсетілді. Сондай –ақ мақалада сюжеттік суреттің оқушыларға оқиғаларды көрнекі түрде қабылдауына, оқиға мазмұнын негізгі және қосымша ақпараттарға жіктеуге, оқиғаны уақыттық және логикалық ретпен құрастырып айтуға мүмкіндік беретіндігі баяндалған. Сонымен қатар мұғалімдерге сабақ жоспарын құруда оқушылардың коммуникативтік қабілеттерін қалыптастыру мүмкіндіктері де тәжірибелік құрал ретінде ұсынылады.