МӘТІНДІ СЫН ТҰРҒЫСЫНАН ТҮСІНУДІ ҚАЛЫПТАСТЫРУДА BBC «6 MINUTE ENGLISH» ПОДКАСТТАРЫНЫҢ ТИІМДІЛІГІ

Бұл мақалада BBC 6 Minute English подкасттарының тыңдалым дағдыларын және мәтінді сын тұрғысынан түсіну қабілетін дамытудағы тиімділігі зерттелді. Зерттеу Батыс Қазақстан инновациялық-технологиялық университетінің 1-курс магистранттары арасында жүргізіліп, 66 студент қатысқан. Эксперименттік топта мәтінді сын тұрғысынан түсіну деңгейі 52%-дан 78%-ға дейін өскен, ал бақылау тобында өсім тек 50%-дан 60%-ға жеткен. Сауалнама нәтижелері эксперименттік топта студенттердің 79%-ының подкасттар мәтінді тереңірек түсінуге және өз пікірін дәлелдеуге көмектескенін көрсетті, ал бақылау тобында бұл көрсеткіш 46% деңгейінде қалды. Зерттеу нәтижелері подкасттарды оқу үдерісіне жүйелі енгізудің студенттердің тыңдалым дағдылары, сыни ойлау және ақпаратты талдау қабілеттерін едәуір арттыратынын көрсетті.