HUQUQNI MUHOFAZA QILUVCHI ORGANLAR: TIZIMI, VAZIFALARI VA HUQUQIY ASOSLARI

Mazkur maqolada O‘zbekiston Respublikasining huquqni muhofaza qiluvchi organlari tizimi, ularning davlat organlari tizimidagi o‘rni, asosiy vazifalari, funksiyalari hamda faoliyatining huquqiy asoslari ilmiy-nazariy jihatdan tahlil qilinadi. Xususan, sud hokimiyati, prokuratura organlari, ichki ishlar organlari, davlat xavfsizlik xizmati, adliya organlari, advokatura va Ombudsman institutining vakolatlari va o‘ziga xos xususiyatlari yoritilgan. Maqolada huquqni muhofaza qiluvchi organlarning o‘zaro hamkorligi, hokimiyatlar bo‘linishi prinsipidagi o‘rni hamda qonun ustuvorligini ta’minlashdagi ahamiyati ochib berilgan. Shuningdek, mazkur organlar faoliyatini tartibga soluvchi normativ-huquqiy asoslar va ularning jamiyatdagi roli tizimli ravishda tahlil etilgan. Tadqiqot natijalari huquqiy demokratik davlatni shakllantirish jarayonida huquqni muhofaza qiluvchi organlarning ahamiyatini yanada chuqurroq anglashga xizmat qiladi.