OLIY TA'LIMDA TALABALARNING MUSTAQIL ISHLARINI BAHOLASHDA QAT'IYMAS MODELLASHTIRISH (FUZZY LOGIC) METODINI QO'LLASH

Talabalar faoliyatini baholash — ko‘p qirrali jarayon bo‘lib, an’anaviy baholash tizimlari ko‘pincha qat’iy mezonlarga tayangan holda talabaning qobiliyatlari va o‘quv jarayonidagi dinamikasini to‘liq aks ettira olmaydi. Ushbu maqolada talabalar faoliyatini baholashning aniqligi va moslashuvchanligini oshirishda qa’ttiymas model(fuzzy logic) dan foydalanish imkoniyatlari o‘rganiladi. Qat’iymas modelning a’zolik funksiyalari va lingvistik o‘zgaruvchilar kabi tamoyillaridan foydalangan holda, talaba faoliyatiga ta’sir qiluvchi omillar — akademik baholar, faollik, ishtirok, shaxsiy o‘quv uslublari va boshqalar — modellashtiriladi hamda baholanadi. Ushbu yondashuv aniq bo‘lmagan, qat’iymas(noaniq) yoki subyektiv ma’lumotlarni ifodalash imkonini berib, talaba rivojining yanada yaxlit tasvirini taqdim etadi.