RAQAMLI TA'LIM SHAROITIDA CHAQIRUVGA QADAR BOSHLANG'ICH TAYYORGARLIK FANIDA VATANPARVARLIK TUYG'USINI SHAKLLANTIRISHNING PEDAGOGIK IMKONIYATLARI

Mazkur maqolada globallashuv va raqamli ta’lim jarayonlarining jadallashuvi sharoitida chaqiruvga qadar boshlang‘ich tayyorgarlik fanini o‘qitishda vatanparvarlik tuyg‘usini shakllantirish masalalari tahlil etilgan. Tadqiqotda interaktiv va raqamli ta’lim metodlarining o‘quvchilarda Vatanga sadoqat, fuqarolik mas’uliyati va milliy qadriyatlarga hurmat tuyg‘ularini rivojlantirishdagi pedagogik ahamiyati asoslab berilgan. Shuningdek, raqamli muhitda tarbiyaviy ta’sirning susayishi, axborot tahdidlari, o‘qituvchilarning raqamli-pedagogik kompetensiyasi yetarli emasligi kabi muammolar ochib berilgan. Mazkur muammolarni bartaraf etishga qaratilgan pedagogik va metodik tavsiyalar ishlab chiqilgan. Maqola natijalari chaqiruvga qadar boshlang‘ich tayyorgarlik fanini zamonaviy talablar asosida takomillashtirishga xizmat qiladi.