TA'LIM MUASSASALARIDA KIBERXAVFSIZLIKNI TA'MINLASHNING INNOVATSION YECHIMLARI VA TEXNOLOGIK YONDASHUVLARI

Maqolada ta’lim muassasalarida raqamli ta’lim muhitining shakllanishi jarayonida yuzaga kelayotgan kiberxavfsizlik muammolari kompleks tahlil qilinadi. Ta’lim tizimida qo‘llanilayotgan axborot-kommunikatsiya texnologiyalari, elektron platformalar va masofaviy ta’lim vositalarining kiberxavfsizlik nuqtayi nazaridan zaif jihatlari aniqlanadi. Shuningdek, axborot xavfsizligini ta’minlashda qo‘llanilayotgan innovatsion texnologiyalar, jumladan, sun’iy intellekt, ko‘p bosqichli autentifikatsiya, ma’lumotlarni shifrlash va bulutli texnologiyalarning amaliy imkoniyatlari yoritib beriladi. Kiberxavfsizlik masalasiga texnik muammo sifatida emas, balki pedagogik va tashkiliy jarayonlar bilan uzviy bog‘liq tizimli hodisa sifatida yondashish zarurligi asoslab beriladi.