TƏSVİRLƏRİN SIXILMASI ALQORİTMLƏRİNİN (LOSSY VƏ LOSSLESS) KEYFİYYƏT VƏ YADDAŞ İSTİFADƏSİNƏ TƏSİRİNİN TƏHLİLİ METODİKASI

Bu məqalədə rəqəmsal təsvirlərin saxlanması və ötürülməsi proseslərində geniş şəkildə istifadə olunan sıxılma alqoritmlərinin — lossy (itkili) və lossless (itkisiz) metodların — təsvir keyfiyyətinə və yaddaş istifadəsinə təsiri sistemli şəkildə təhlil edilir. Araşdırmada hər iki sıxılma yanaşmasının iş prinsipləri, texniki xüsusiyyətləri və tətbiq sahələri nəzəri və metodoloji baxımdan müqayisəli şəkildə izah olunur. Lossless sıxılma alqoritmlərinin məlumat bütövlüyünü qorumaqla yaddaşdan istifadəni optimallaşdırmaq imkanları, lossy sıxılma metodlarının isə yüksək sıxılma nisbəti hesabına fayl ölçüsünü əhəmiyyətli dərəcədə azaltmaq üstünlükləri qiymətləndirilir. Eyni zamanda, təsvir keyfiyyətində yaranan dəyişikliklərin vizual qavrayışa təsiri və bu dəyişikliklərin praktik istifadədə yaratdığı nəticələr təhlil olunur. Məqalədə sıxılma alqoritmlərinin effektivliyinin qiymətləndirilməsi üçün istifadə olunan metodlar, o cümlədən obyektiv və subyektiv keyfiyyət ölçmə yanaşmaları nəzərdən keçirilir. Aparılan təhlillər nəticəsində müxtəlif istifadə ssenariləri üçün uyğun sıxılma metodlarının seçilməsinin əhəmiyyəti əsaslandırılır və bu sahədə optimal yanaşmalar irəli sürülür.