PYTHON MÜHİTİNDƏ RUNGE-KUTTA METODU İLƏ DİFERENSİAL TƏNLİKLƏRİN ƏDƏDİ HƏLLİ METODİKASI

Bu məqalədə diferensial tənliklərin ədədi həlli məsələləri Runge-Kutta metodu əsasında araşdırılmışdır. Runge-Kutta üsulu ədədi hesablama riyaziyyatında ən geniş istifadə olunan sabit addımlı inteqrasiya metodlarından biridir və yüksək dəqiqliklə nəticə əldə etməyə imkan verir. Məqalədə bu metodun nəzəri əsasları izah edilmiş, dördüncü dərəcəli Runge-Kutta alqoritmi Python proqramlaşdırma mühitində reallaşdırılmışdır. Nümunəvi diferensial tənlik üzərində praktiki hesablama aparılmış, nəticələr qrafik şəkildə təsvir edilmiş və metodun səmərəliliyi qiymətləndirilmişdir. Tədqiqat nəticəsində müəyyən edilmişdir ki, Python mühitində Runge-Kutta metodunun tətbiqi həm elmi modelləşdirmə, həm də tədris prosesində hesablama riyaziyyatı məsələlərinin həllini sadələşdirir və optimallaşdırır.