OʻZBEKISTONDA INKLYUZIV OʻSISHNI TA'MINLASHDA MAKROIQTISODIY SIYOSAT INSTRUMENTLARIDAN FOYDALANISHNING ILMIY-USLUBIY ASOSLARINI TAKOMILLASHTIRISH

Ushbu maqolada Oʻzbekiston sharoitida inklyuziv iqtisodiy oʻsishni ta'minlashda makroiqtisodiy siyosat instrumentlaridan foydalanishning ilmiy-uslubiy asoslarini yanada takomillashtirish masalalari kompleks tarzda tadqiq etiladi. Tadqiqot jarayonida an'anaviy iqtisodiy oʻsish modellari asosan miqdoriy koʻrsatkichlarga tayanishi va ijtimoiy taqsimot omillarini yetarli darajada hisobga olmasligi asoslab beriladi. Inklyuziv oʻsish konsepsiyasining nazariy tamoyillariga tayangan holda fiskal, monetar, investitsion va institutsional mexanizmlarning oʻzaro uygʻunlashuvi hamda ularning ijtimoiy-iqtisodiy natijalarga ta'sir mexanizmlari tahlil qilinadi. Tadqiqot natijasida inklyuziv oʻsishni boshqarishda faqat YaIM oʻsish sur'atlariga emas, balki daromadlar taqsimoti, kambagʻallik darajasi, bandlik sifati va inson kapitali rivojlanishini aks ettiruvchi natijaviy indikatorlar tizimiga tayangan holda koʻp bosqichli, integratsiyalashgan makroiqtisodiy modelni shakllantirish zarurligi ilmiy jihatdan asoslab beriladi