PEDAGOGIKA VA XORIJIY TILLARNI INTEGRATSIYALASH ASOSIDA TALABALARDA KOMMUNIKATIV KOMPETENSIYANI SHAKLLANTIRISHNING METODIK ASOSLARI

Mazkur maqolada pedagogika va xorijiy tillarni integratsiyalash asosida talabalarda kommunikativ kompetensiyani shakllantirishning metodik asoslari tahlil qilinadi. Integrativ yondashuvning nazariy manbalari, zamonaviy pedagogik texnologiyalar, interfaol metodlar hamda CLIL modeli asosida ta’lim jarayonini tashkil etish imkoniyatlari ochib beriladi. Tadqiqotda kommunikativ kompetensiyaning tarkibiy komponentlari – lingvistik, sotsiolingvistik, diskursiv va strategik jihatlar pedagogik jarayon bilan uyg‘un holda ko‘rib chiqiladi. Shuningdek, ta’lim muhitida refleksivlik, motivatsiya va madaniyatlararo muloqot omillarining ahamiyati asoslab beriladi.