JAHON SAVDO TASHKILOTIGA A'ZOLIK – TASHQI IQTISODIY ALOQALARNI RIVOJLANTIRISHNING STRATEGIK YO'NALISHI

Maqolada mamlakatimizda tashqi iqtisodiy faoliyatni rivojlantirishga qaratilgan chora-tadbirlar, tashqi savdo aloqalarini faollashtirishda imtiyozli savdo rejimlaridan samarali foydalanishning asosiy jihatlari atroflicha yoritilgan. Shuningdek, Jahon savdo tashkiloti (JST) faoliyatining mohiyati, tashqi savdoni rivojlantirishdagi o‘rni va ahamiyati tahlil qilingan. JSTning asosiy tamoyillari, qoidalari hamda muhim funksiyalari keng yoritib berilgan. Bundan tashqari, JSTga a’zolikka kirishning mamlakat iqtisodiyoti uchun ahamiyati va afzalliklari, shuningdek, a’zolikning asosiy shart-sharoitlari ilmiy jihatdan tadqiq etilgan. JSTga a’zolikning tashqi savdo munosabatlariga ta’siri masalasi Xitoy Xalq Respublikasi va Rossiya Federatsiyasi tajribalari misolida qiyosiy tahlil qilingan. Shu bilan birga, O‘zbekistonning JSTga a’zolikka kirish jarayonida amalga oshirayotgan chora-tadbirlari hamda mazkur tashkilotga a’zo bo‘lish orqali mamlakat tashqi savdo munosabatlarini rivojlantirishda ochiladigan yangi imkoniyatlar bayon etilgan