O'SIMLIKLAR FLYUORESSENSIYA QONUNLARINING FIZIK TALQINI

Mazkur maqolada o‘simliklarda flyuoressensiya hodisasining fizik mohiyati, energiya darajalari nazariyasi asosida talqini hamda fotosintez jarayoni bilan o‘zaro bog‘liqligi keng yoritiladi. O‘simlik pigmentlari, xususan xlorofill molekulalarida yorug‘lik fotonlarining yutilishi, elektronlarning qo‘zg‘algan holatga o‘tishi va keyinchalik radiatsion qaytish jarayonlari kvant mexanikasi qonunlari asosida tahlil qilinadi. Flyuoressensiyaning spektral xususiyatlari, Stoks siljishi, kvant samaradorligi va vaqt parametrlari matematik ifodalar orqali ko‘rib chiqiladi. Maqolada o‘simlik flyuoressensiyasi fotosintez samaradorligini aniqlovchi muhim diagnostik ko‘rsatkich sifatida asoslab beriladi hamda energiyaning nurlanish va nurlanmas yo‘llar bilan taqsimlanish mexanizmlari fizik nuqtai nazardan izohlanadi.