RATSIONAL TURMUSH TARZINI SHAKLLANTIRISHGA DOIR NAZARIY QARASHLAR

Mazkur maqolada ratsional turmush tarzi tushunchasining falsafiy, pedagogik va psixologik asoslari kompleks tahlil qilinadi. Ratsional turmush tarzi shaxsning hayot faoliyatini ongli ravishda tashkil etishi, maqsadli qaror qabul qilishi va resurslardan oqilona foydalanishi bilan bog‘liq ko‘p qirrali ijtimoiy-pedagogik hodisa sifatida talqin etiladi. Antik va klassik falsafiy qarashlar, zamonaviy pedagogik nazariyalar hamda psixologik konsepsiyalar asosida ratsional hayot modelining shakllanish mexanizmlari yoritiladi. Axborotlashgan jamiyat sharoitida ratsional turmush tarzini shakllantirishning dolzarbligi asoslab berilib, ta’lim jarayonida uni rivojlantirishning ustuvor yo‘nalishlari ko‘rsatib o‘tiladi.