МИНТАҚАҲОИ ОЗОДИ ИҚТИСОДӢ (МОИ) ДАР НИЗОМИ РУШДИ ИҚТИСОДИЁТИ МИНТАҚАВИИ ТОҶИКИСТОН

Мақолаи мазкур ба таҳлили нақш ва аҳамияти стратегии минтақаҳои озоди иқтисодӣ (МОИ) дар низоми рушди иқтисодиёти минтақавии Ҷумҳурии Тоҷикистон бахшида шудааст. Дар он зарурати таъсиси МОИ ҳамчун омили асосии амалишавии ҳадафи чоруми миллӣ — саноатикунонии босуръати кишвар баррасӣ мегардад. Хусусиятҳои фаъолияти минтақаҳои калидӣ, аз ҷумла «Суғд», «Данғара», «Панҷ» ва «Ишкошим», инчунин низоми имтиёзҳои андозию гумрукӣ, ки барои ҷалби сармоягузорони дохиливу хориҷӣ равона шудаанд, мавриди омӯзиш қарор гирифтаанд. Бо такя ба маълумоти оморӣ ва таҳлили нишондиҳандаҳои истеҳсолӣ, муаллиф собит менамояд, ки МОИ дар таъсиси ҷойҳои нави корӣ, татбиқи технологияҳои инноватсионӣ ва афзоиши иқтидори содиротии кишвар саҳми назаррас доранд. Хулоса карда мешавад, ки рушди инфрасохтори МОИ ва дастгирии давлатии онҳо механизми муҳими гузариш ба иқтисоди индустриалӣ ва таъмини рушди устувори минтақаҳо мебошад.