REGBI SPORTINI JORIY ETISHNING PEDAGOGIK VA METODIK ASOSLARI

Ushbu tezisda regbi sportini jismoniy madaniyat tizimiga joriy etishning pedagogik va metodik asoslari nazariy jihatdan yoritilgan. Regbi sportining ta’lim jarayonidagi o‘rni, talabalarning jismoniy sifatlarini rivojlantirishdagi ahamiyati hamda jamoaviylik, irodaviylik va tezkor qaror qabul qilish ko‘nikmalarini shakllantirishdagi pedagogik imkoniyatlari tahlil etilgan. Shuningdek, regbi mashg‘ulotlarini tashkil etishning samarali usullari, o‘quv jarayoniga integratsiya qilish yo‘llari va zamonaviy jismoniy tarbiya tizimidagi o‘rni ilmiy-nazariy jihatdan asoslab berilgan. Mazkur tezis regbi sportini jismoniy tarbiya va sport ta’limida qo‘llashning muhim pedagogik vosita ekanligini ochib beradi.