«ЖАСАНДЫ ИНТЕЛЛЕКТ ПЕН ИНЖЕНЕРЛІК ГРАФИКА: БОЛАШАҚ ТРЕНДТЕРІ»

Бұл ғылыми жұмыс жасанды интеллект технологияларының инженерлік графикаға ықпалын және оның болашақ даму бағыттарын талдауға арналған. Зерттеудің мақсаты – дәстүрлі сызбалаудан интеллектуалды цифрлық жобалауға көшу үдерісін ғылыми негіздеу. Жұмыста инженерлік графиканың эволюциясы қарастырылып, AutoCAD секілді CAD жүйелерінің интеллектуалдану үрдісі талданады. Параметрлік модельдеу, генеративті дизайн, автоматтандырылған есептеу және қателерді болжау мүмкіндіктері арқылы жасанды интеллекттің жобалау сапасын арттыруы, материал шығынын азайтуы және уақытты үнемдеуі сипатталады. Сонымен қатар, BIM технологияларымен интеграцияланған модельдеу жүйелерінің практикалық маңызы ашылып, машиналық оқыту мен нейрондық желілердің қолданылуы қарастырылады. Зерттеу нәтижелері жасанды интеллекттің инженерлік қызметтің мазмұнын өзгертіп, цифрлық өндірістің жаңа кезеңін қалыптастыратынын көрсетеді.