ГЕНЕРАЛ ЭРГЕШ АЛИЕВ – ТАРЫХЫЙ ИНСАН

Бул илимий изилдөө Түштүк Кыргызстандын Улуу Ата Мекендик согуш (1941–1945) жылдарындагы социалдык-экономикалык, саясий жана маданий турмушуна арналат. Изилдөөдө согуш башталгандан кийин региондо жаралган кырдаал, калктын мобилизациясы, тылдагы эмгек, жоокерлерге жардам көрсөтүү, азык-түлүк, кийим-кече, акча чогултуу жана госпиталдарга жардам көрсөтүү аракеттери кеңири баяндалат. Ошондой эле Түштүк Кыргызстандын жаштарынын жана аялдарынын тылдагы ролу, эмгек фронтундагы жетишкендиктери да анализделет. Изилдөө тарыхый булактарга, архивдик материалдарга жана согуш ардагерлеринин эскерүүлөрүнө таянуу менен жүргүзүлөт. Региондун элинин патриоттук духу, биримдиги жана фронт менен тылдын өз ара тыгыз байланышы кыргыз элинин Улуу Жеңишке кошкон салымын тереңирээк түшүнүүгө мүмкүнчүлүк берет. Бул иш Улуу Ата Мекендик согуштун тарыхындагы регионалдык өзгөчөлүктөрдү изилдөөгө жана келечек муундар үчүн тарыхый эс тутумду сактоого багытталган. Ошондой эле Улуу Ата Мекендик согуш жылдарында жалпы кыргыз элинин эркиндигин жана мамлекеттүүлүгүн коргоодо зор роль ойногон белгилүү аскер жетекчиси, генерал Эргеш Алиевдин өмүр жолу, тарыхый тагдыры жана эмгектери баяндалат. Анын ата мекенге болгон сүйүүсү, кайраттуулугу, мекенчилдиги азыркы жана келечек муундар үчүн үлгү болуп саналат. Кыргыз тарыхындагы улуу инсандардын бири катары генерал Алиевдин басып өткөн жолу тарыхый акыйкаттын күзгүсү катары илимий жактан талдоого алынат.