INGLIZ VA O'ZBEK TILLARIDA KASB-HUNAR HAMDA LAVOZIM NOMLARINI TASNIFLASH MEZONLARI: QIYOSIY-LEKSIKOLOGIK YONDASHUV

Mazkur maqolada ingliz tilidagi occupational titles va o‘zbek tilidagi kasb-hunar hamda lavozim atamalarini guruhlashning asosiy mezonlari qiyosiy nuqtayi nazardan ishlab chiqiladi. Tadqiqot tasnifning “bitta mezon”ga tayanib qolishi amaliy xatolarga olib kelishini ko‘rsatadi; shu bois ko‘p mezonli model taklif etiladi: funksional rol (ijro/nazorat/boshqaruv), institutsional daraja (tashkilot–bo‘lim–guruh), malaka pog‘onasi (junior–senior–lead), soha (ta’lim, tibbiyot, IT va b.), huquqiy maqom (mansabdor, shtat birligi), hamda nomlashning struktur tipi (affiksal hosila, birikma, qisqartma).