GLOBALLASHUV DAVRIDA AXBORIY MADANIYAT ZARURATI

Ushbu maqolada globallashuv jarayonlari sharoitida axboriy madaniyatning jamiyat hayotidagi o‘rni va ahamiyati tahlil qilinadi. Axborot texnologiyalarining tez rivojlanishi, internet va ommaviy axborot vositalari orqali axborot almashinuvi kengayib borayotgani natijasida insonlarda axborotni to‘g‘ri qabul qilish, tahlil qilish va undan oqilona foydalanish ko‘nikmalarini shakllantirish zarurligi yoritiladi. Shuningdek, yoshlar ongini turli axborot tahdidlari va zararli g‘oyalardan himoya qilishda axboriy madaniyatni rivojlantirish muhim omil ekani ko‘rsatib beriladi. Tadqiqotda globallashuv sharoitida axboriy madaniyatni oshirishning asosiy yo‘nalishlari va uning jamiyat ma’naviy taraqqiyotidagi roli haqida xulosalar keltiriladi.