BADIIY DISKURSDA EVFEMIZMLARNING O'RNI

Mazkur maqolada badiiy diskursda evfemizmlarning o‘rni va ularning nutq madaniyatidagi ahamiyati tahlil qilinadi. Muallif evfemizmlarning ijtimoiy-madaniy va lingvistik xususiyatlarini ko‘rib chiqib, ularning nutqdagi estetik va pragmatik vazifalarini yoritadi. O‘zbek xalqining nutq madaniyatida evfemizmlardan foydalanish odobi, andishalilik va sharqona lutf bilan chambarchas bog‘liqligi ta’kidlanadi. Maqolada badiiy adabiyot namunalari, xususan, Alisher Navoiy hamda Tog‘ay Murod asarlaridan keltirilgan misollar asosida evfemik birliklarning lingvopoetik imkoniyatlari tahlil qilinadi. Shuningdek, ayrim sohalarga xos nutqiy evfemizmlar, jumladan kurash, ko‘pkari va chorvachilik bilan bog‘liq leksik birliklar misolida evfemizmlarning qo‘llanish xususiyatlari ko‘rsatib beriladi. Tadqiqot natijasida evfemizmlar badiiy nutqning obrazliligi, ta’sirchanligi va madaniyligini ta’minlovchi muhim vositalardan biri ekanligi xulosa qilinadi.