ТИКИВУВ-ТРИКОТАЖ КОРХОНАЛАРИДА РАҚАМЛИ БОШҚАРУВ ВА МАҲСУЛОТЛАРНИ ДИВEРСИФИКАЦИЯ ҚИЛИШ

Ушбу мақолада тикувчилик ва трикотаж саноатида инновацион менежментни жорий этишнинг аҳамияти ва маҳсулотни диверсификация қилиш орқали рақобатбардошликни ошириш имкониятлари таҳлил қилинади. Тўқимачилик ва трикотаж маҳсулотларига глобал талабнинг кескин ўзгариши, истеъмолчиларнинг сифат ва дизайнга бўлган юқори талаблари билан бирга, маҳаллий корхоналардан стратегик инновацион ёндашувларни талаб қилади. Шунинг учун мақолада маҳсулотни диверсификация қилиш инновацион менежментнинг асосий йўналишларидан бири сифатида қаралади ва унинг корхоналарнинг барқарор ривожланишига таъсирини илмий жиҳатдан тушунтиради. Тадқиқот жараёнида тикувчилик ва трикотаж корхоналарининг миллий иқтисодиётдаги ишлаб чиқариш фаолияти таҳлил қилинди, замонавий бошқарув технологиялари, рақамли трансформация ва бозор эҳтиёжларига мослашиш усуллари ўрганилди. Натижада, маҳсулотлар турини кенгайтириш ва инновацияларни самарали бошқариш юқори қўшимча қиймат яратиш, экспорт салоҳиятини мустаҳкамлаш ва тикувчилик ва трикотаж саноатида халқаро рақобатда устунликларга эришиш учун муҳим омиллар эканлиги асосланади.