OʻZBEKISTONDA OZIQ-OVQAT SANOATI RIVOJLANISHIDA QANDOLAT MAHSULOTLARI BOZORINING IQTISODIY AHAMIYATI

Ushbu tezisda Oʻzbekistonda oziq-ovqat sanoati rivojlanishida qandolat mahsulotlari bozorining iqtisodiy ahamiyati tahlil qilinadi. Tadqiqotda qandolat mahsulotlari ishlab chiqarish dinamikasi, bozor tarkibi, raqobat muhiti hamda iste’mol talabining shakllanishiga ta’sir qiluvchi asosiy iqtisodiy omillar o‘rganilgan. Shuningdek, mahalliy ishlab chiqaruvchilarning faoliyati, ichki bozor imkoniyatlari va import mahsulotlari ulushi iqtisodiy-statistik ma’lumotlar asosida tahlil qilinadi. Tadqiqot natijalari qandolat mahsulotlari bozorining oziq-ovqat sanoatida qo‘shilgan qiymat yaratish, ishlab chiqarish hajmini oshirish va milliy iqtisodiyotning raqobatbardoshligini kuchaytirishda muhim o‘rin tutishini ko‘rsatadi. Olingan xulosalar sanoatni diversifikatsiya qilish, mahalliy ishlab chiqarishni rivojlantirish hamda oziq-ovqat sanoatining eksport salohiyatini oshirish bo‘yicha amaliy tavsiyalar ishlab chiqishda muhim ahamiyat kasb etadi.