स्थानिक इतिहास व त्याचे स्रोत

स्थानिक इतिहास म्हणजे भौगोलिकदृष्ट्या स्थानिक संदर्भात इतिहासाचा अभ्यास, आणि तो अनेकदा स्थानिक समुदायावर लक्ष केंद्रित करतो. त्यात इतिहासाच्या सांस्कृतिक आणि सामाजिक पैलूंचा समावेश असतो. स्थानिक इतिहास म्हणजे केवळ राष्ट्रीय इतिहासाचे संक्षिप्त रूप नाही, तर दिलेल्या भौगोलिक प्रदेशातील भूतकाळातील घटनांचा अभ्यास आहे, जो विविध प्रकारच्या दस्तऐवजी पुराव्यांवर आधारित असतो आणि तो प्रादेशिक व राष्ट्रीय अशा दोन्ही तुलनात्मक संदर्भात मांडलेला असतो. स्थानिक इतिहासाचे दस्तऐवजीकरण अनेकदा स्थानिक ऐतिहासिक संस्था किंवा स्थानिक ऐतिहासिक इमारत किंवा इतर ऐतिहासिक स्थळ जतन करण्यासाठी स्थापन झालेल्या गटांद्वारे केले जाते. स्थानिक इतिहासाची अनेक कामे स्वतंत्रपणे काम करणाऱ्या हौशी इतिहासकारांद्वारे किंवा विविध संस्थांमध्ये कार्यरत असलेल्या अभिलेखागारांद्वारे संकलित केली जातात. स्थानिक इतिहासाचा एक महत्त्वाचा पैलू म्हणजे स्थानिक किंवा राष्ट्रीय अभिलेखागारात जतन केलेल्या आणि विशिष्ट क्षेत्रांशी संबंधित असलेल्या दस्तऐवजांचे प्रकाशन आणि सूचीकरण करणे. अनेकदा स्थानिक इतिहास हा विविध स्रोताद्वारे आपल्याला कळतो. स्थानिक इतिहास उजेडात आणण्यात सर्वात मोठी भूमिका ऐतिहासिक स्त्रोतांची असते. यात भौतिक लिखित मौखिक स्रोतांचा समावेश होतो.