ರವ ಕಾವ್ಯ: ಸೈದ್ಧಾಂತಿಕ ಹಿನ್ನೆಲೆ, ಸಾಮಾಜಿಕ ಚಿಂತನೆ ಮತ್ತು ಸಾಹಿತ್ಯಿಕ ವಿಶ್ಲೇಷಣೆ
Summary
No summary yet. VIRAT can read this paper and write a plain-language summary of its aim, methods, key findings and limitations.
Summarise with VIRAT Free to try with your Science Catalogs account.Abstract
ಕನ್ನಡ ಸಾಹಿತ್ಯದ ಆಧುನಿಕ ಹಂತವು ಸಮಾಜದ ಆಂತರಿಕ ಸಂಘರ್ಷಗಳು, ಅಸಮಾನತೆಗಳು ಮತ್ತು ಶೋಷಣೆಯ ವಿರುದ್ಧ ಪ್ರತಿರೋಧ ವ್ಯಕ್ತಪಡಿಸಿದ ಹಲವು ಸಾಹಿತ್ಯ ಚಳವಳಿಗಳಿಗೆ ಸಾಕ್ಷಿಯಾಗಿದೆ. ಇವುಗಳಲ್ಲಿ ರವ ಕಾವ್ಯ ಒಂದು ಮಹತ್ವದ ಪ್ರತಿರೋಧಾತ್ಮಕ ಕಾವ್ಯಪ್ರಕಾರವಾಗಿ ರೂಪುಗೊಂಡಿದೆ. ರವ ಕಾವ್ಯವು ಕೇವಲ ಸಾಹಿತ್ಯಿಕ ಅಭಿವ್ಯಕ್ತಿಯಲ್ಲ; ಅದು ದಮನ, ಶೋಷಣೆ, ಜಾತಿ–ವರ್ಗ ಅಸಮಾನತೆ ಮತ್ತು ಸಾಮಾಜಿಕ ಅನ್ಯಾಯಗಳ ವಿರುದ್ಧ ಎದ್ದ ಸಾಂಸ್ಕೃತಿಕ ಘೋಷಣೆಯಾಗಿದೆ. ಮಾರ್ಕ್ಸೀಯ ಚಿಂತನೆ, ಡಾ. ಬಿ.ಆರ್. ಅಂಬೇಡ್ಕರ್ ಅವರ ಸಾಮಾಜಿಕ ನ್ಯಾಯದ ತತ್ವಗಳು, ದಲಿತ–ಬಂಡಾಯ ಚಳವಳಿಗಳು ಹಾಗೂ ಪ್ರಗತಿಶೀಲ ಸಾಹಿತ್ಯ ಪರಂಪರೆಗಳು ರವ ಕಾವ್ಯದ ಸೈದ್ಧಾಂತಿಕ ಹಿನ್ನೆಲೆಯನ್ನು ರೂಪಿಸಿವೆ. ಈ ಚಿಂತನೆಗಳು ಕವಿಗಳನ್ನು ಸಮಾಜದ ಬಗ್ಗೆ ಬದ್ಧತೆಯೊಂದಿಗೆ ಬರೆಯಲು ಪ್ರೇರೇಪಿಸಿವೆ. ಈ ಸಂಶೋಧನಾ ಲೇಖನವು ರವ ಕಾವ್ಯದ ಹುಟ್ಟು, ವಿಕಾಸ ಮತ್ತು ಸ್ವರೂಪವನ್ನು ವಿಶ್ಲೇಷಿಸುವ ಜೊತೆಗೆ, ಸಮಕಾಲೀನ ರವ ಕವಿ ಎಲ್. ಎನ್. ಮುಕುಂದರಾಜ್ ರವರ ಕೃತಿಗಳನ್ನು ಕೇಂದ್ರವಾಗಿಸಿಕೊಂಡು ಅಧ್ಯಯನ ನಡೆಸುತ್ತದೆ. ಮುಕುಂದರಾಜ್ ಅವರ ಕಾವ್ಯವು ದಲಿತರು, ಕಾರ್ಮಿಕರು, ರೈತರು ಹಾಗೂ ಅಂಚಿನ ಸಮುದಾಯಗಳ ಬದುಕಿನ ನೋವು, ಶೋಷಣೆ ಮತ್ತು ಹೋರಾಟಗಳನ್ನು ನೇರ ಹಾಗೂ ಪ್ರಾಮಾಣಿಕವಾಗಿ ಪ್ರತಿಬಿಂಬಿಸುತ್ತದೆ. ಅವರ ಕಾವ್ಯದಲ್ಲಿ ಶೋಷಿತ ಸಮುದಾಯಗಳ ಮೌನವನ್ನು ಭೇದಿಸುವ ಧ್ವನಿ ಸ್ಪಷ್ಟವಾಗಿ ಕಾಣಿಸುತ್ತದೆ. ಜಾತಿ ವ್ಯವಸ್ಥೆಯ ಕ್ರೌರ್ಯ, ಆರ್ಥಿಕ ಅಸಮಾನತೆ, ರಾಜಕೀಯ ವ್ಯವಸ್ಥೆಯ ವೈಫಲ್ಯ, ನಕಲಿ ನೈತಿಕತೆ ಮತ್ತು ಸಾಂಸ್ಕೃತಿಕ ದ್ವಂದ್ವಗಳು ಅವರ ಕಾವ್ಯದ ಪ್ರಮುಖ ವಿಷಯಗಳಾಗಿವೆ. ರವ ಕಾವ್ಯದ ಲಕ್ಷಣವಾದ ನೇರ, ತೀಕ್ಷ್ಣ ಮತ್ತು ಪ್ರಶ್ನಾತ್ಮಕ ಭಾಷಾ ಶೈಲಿ ಮುಕುಂದರಾಜ್ ಅವರ ಕೃತಿಗಳಲ್ಲೂ ಸ್ಪಷ್ಟವಾಗಿ ವ್ಯಕ್ತವಾಗುತ್ತದೆ. ಸಾಂಪ್ರದಾಯಿಕ ಸೌಂದರ್ಯತತ್ತ್ವಗಳನ್ನು ಪ್ರಶ್ನಿಸಿ, ಅನುಭವದ ತೀವ್ರತೆಯನ್ನು ಕೇಂದ್ರವಾಗಿಸಿಕೊಂಡಿರುವ ಈ ಕಾವ್ಯವು ಓದುಗರನ್ನು ಅಸ್ವಸ್ಥಗೊಳಿಸಿ ಚಿಂತನೆಗೆ ಪ್ರೇರೇಪಿಸುತ್ತದೆ. ಮುಕುಂದರಾಜ್ ಅವರ ಕಾವ್ಯದಲ್ಲಿ ಪ್ರತಿರೋಧ ಕೇವಲ ಆಕ್ರೋಶವಾಗಿ ಉಳಿಯದೆ, ಆತ್ಮಗೌರವ, ಮಾನವ ಘನತೆ ಮತ್ತು ಸಾಮಾಜಿಕ ನ್ಯಾಯದ ಆಶಯಗಳೊಂದಿಗೆ ಬೆಸೆದುಕೊಳ್ಳುತ್ತದೆ. ಈ ಅಧ್ಯಯನವು ರವ ಕಾವ್ಯವು ಕನ್ನಡ ಸಾಹಿತ್ಯದಲ್ಲಿ ಸಾಮಾಜಿಕ ಚೇತನವನ್ನು ಜಾಗೃತಗೊಳಿಸುವ ಶಕ್ತಿಯುತ ಮಾಧ್ಯಮವಾಗಿರುವುದನ್ನು ಪ್ರತಿಪಾದಿಸುತ್ತದೆ. ಎಲ್. ಎನ್. ಮುಕುಂದರಾಜ್ ರವರ ರವ ಕೃತಿಗಳು ರವ ಕಾವ್ಯದ ವಿಕಾಸದಲ್ಲಿ ಮಹತ್ವದ ಹಂತವನ್ನು ಸೂಚಿಸುತ್ತಿದ್ದು, ಸಮಕಾಲೀನ ಕನ್ನಡ ಸಾಹಿತ್ಯದಲ್ಲಿ ಪ್ರತಿರೋಧದ ಧ್ವನಿಯನ್ನು ಬಲಪಡಿಸುತ್ತವೆ ಎಂಬ ನಿರ್ಣಯಕ್ಕೆ ಈ ಲೇಖನ ತಲುಪುತ್ತದೆ.
Fields of Study & Subjects
South Asian Studies and Diaspora
Literature: history
themes
analysis
Poetry Analysis and Criticism
Publication details
- Journal / source
- ಅಕ್ಷರಸೂರ್ಯ (AKSHARASURYA)
- Publication date
- 5 January 2026
- Language
- KN