FRAZEOLOGIK VA LEKSIK BIRLIKLARNING MATN SEMANTIKASIDAGI KO‘RINISHLARI

Maqolada leksik va frazeologik birliklarning matn semantikasi va stilistikasidagi o‘rni tahlil qilinadi. Tadqiqotda F. de Sossyur, Sh. Balli, V. Vinogradov, N. Chomskiy, J. Lyons, R. Moon va E. Coseriu kabi xorijiy tilshunoslar hamda A. Madvaliyev, A. Mamatov, Sh. Rahmatullayev kabi o‘zbek tilshunoslari qarashlari qiyosiy o‘rganildi. Leksik birliklarning denotativ va konnotativ qatlamlari, polisemantiklik, sinonimiya va antonimiya hodisalari matn semantikasidagi roli nuqtai nazaridan tahlil qilindi. Frazeologik birliklarning emotsional-obrazli xususiyatlari va milliy-madaniy mazmuni ko‘rsatildi. Natijada, leksik va frazeologik birliklarning uyg‘unligi matnning semantik yaxlitligi va stilistik boyligini ta’minlashi ilmiy asoslandi.