AXBOROT TIZIMLARIDA ZAMONAVIY TENDENSIYALAR: AI, IOT VA BIG DATALARNING MOLIYA SOHASIGA TA’SIRI

Mazkur maqolada axborot tizimlarining zamonaviy rivojlanish tendensiyalari - sun’iy intellekt (Artificial Intelligence), buyumlar interneti (Internet of Things, IoT) va katta hajmdagi ma’lumotlar (Big Data) kabi texnologiyalarining moliya sohasiga ta’sirini kompleks tarzda tahlil qilinadi. Ilmiy tadqiqot ishida ushbu texnologiyalarning moliyaviyinstitutlar xususan bank, byudjet tashkilotlari hamda moliyaviy vositachilar faoliyatida risklarni boshqarish, kreditlash, firibgarlikni aniqlash, investitsiya qarorlarini qabul qilish va mijozlarga xizmat ko‘rsatish samaradorligini oshirishdagi roli ochib beriladi. Shuningdek, katta ma’lumotlar bazalari va analitikasi faniga mos ravishda ma’lumotlarni yig‘ish, qayta ishlash va tahlil qilish mexanizmlari ilmiy-nazariy jihatdan yoritiladi.