كهڤنخوازييا ناڤان د هۆزانێن مهلا خهليل مشهختيدا
Abstract
ژبه‌ر گۆهرينێن ب شێوه‌يه‌كێ گشتى د ژيانيدا دروست دبن، زمان كه‌ڤن دبن و كێم دهێنه‌بكارهينان، زێده‌بارى ئه‌ڤێ چه‌ندێ فشارێن سياسى و ئابوورى و جڤاكيێن ده‌ره‌كى ژى دبنه ئه‌گه‌رێ مرنا زمانان، كو ب تنێ ژناڤچوونا كۆمه‌كا په‌يڤان نينه، به‌لكۆ ژناڤچوونا ناسنامه و ديرۆك و ميراته‌كێ كه‌لتۆرى ره‌وشه‌نبيرييه. نڤيسه‌ر گه‌له‌ك جاران د نڤيسينێن خۆدا په‌نايێ دبه‌نه به‌ر بكارهينانا ئه‌ڤان په‌يڤ و ده‌ربرينێن كه‌ڤن، كو ب كه‌ڤنخوازى (ئاركايزم) دهێته‌بناڤكرن. بکارهینانا ئه‌ڤان توخمێن کەڤنار ژ به‌ر ئه‌وێ چه‌ندێ نينه كو ده‌ق يێ كه‌ڤنه به‌لكو مه‌ره‌مه‌كا هونه‌رى ل پشت هه‌يه. هۆزانڤان كه‌ڤنخوازيێ بکاردهینن داسيمايه‌كێ دیرۆکی بۆ بەرهەمێ خۆ دروست بکەن، يان بۆ پاراستنا کێش و سەروا و دروستکرنا ئاوازەکا تایبەت مفای ژێ دهێتەوەرگرتن. ب ڤی رەنگى،كه‌ڤنخوازى دبیتە ئامرازەکێ گرنگ بۆ دەولەمەندکرنا دەقی و زێدەکرنا کويراتيیا واتایێ، کو خواندەڤانی ب كه‌شه‌كێ جودا ڤه گرێ دده‌ت. كه‌ڤنخوازى هونەرێ بکارهینانا زمانێ دوهییە د ناڤ کارێ ئەڤرۆدا بۆ گەهشتنا ئارمانجێن دیارکری. ئه‌ڤ ڤه‌كۆلينه بۆ دياركرنا كه‌ڤنخوازيا ناڤان د هۆزانێن مشهختيدا ل بن سيبه‌را رێبازا وه‌سفى شيكارى هاتييه‌ئه‌نجامدان. ئه‌نجامێن ب ده‌ستڤه هاتى ئه‌وێ چه‌ندێ ديار دكه‌ن ئه‌و ناڤێن هۆزانڤانى بكارهيناى بۆ مه‌ره‌مێن نوستالۆژياى و شانازيكرن ب ژيانا كه‌ڤنا كورده‌وارى بووينه. ئه‌ڤ په‌يڤه بووينه ئه‌گه‌رێ به‌رجسته‌كرنا زمانێ هۆزانێ و دروستكرنا ريتم و سه‌روايه‌كێ بۆ ده‌قى.
Fields of Study & Subjects
Criminal Justice and Penology
Forgiveness and Related Behaviors
Crime Patterns and Interventions
Publication details
- Journal / source
- گۆڤاری ئەکادیمیای کوردی
- Issue
- 65
- Pages
- 32–49
- Publication date
- 15 January 2026