DISPEPTIK SINDROMLI BEMORLARDA FIBROGASTRODUODENOSKOPIYANING (FGDS) DIAGNOSTIK VA TERAPEVTIK AHAMIYATI

Dispeptik sindrom gastroenterologik amaliyotda eng ko‘p uchraydigan klinik holatlardan biri bo‘lib, u turli etiologiyali me’da-ichak kasalliklarining dastlabki belgisi sifatida namoyon bo‘ladi. Ushbu maqolada dispeptik sindromli bemorlarda fibrogastroduodenoskopiyaning (FGDS) diagnostik va terapevtik ahamiyati o‘rganildi. Tadqiqot davomida dispeptik shikoyatlar bilan murojaat qilgan bemorlarda FGDS yordamida me’da va o‘n ikki barmoq ichak shilliq qavatining holati baholanib, yallig‘lanish, eroziya, yara va boshqa patologik o‘zgarishlar aniqlanishi tahlil qilindi. FGDS yordamida olingan ma’lumotlar asosida asosiy kasallikni erta aniqlash, differensial diagnostika o‘tkazish va individual davolash taktikasini tanlash imkoniyatlari ko‘rsatib berildi. Shuningdek, endoskopik tekshiruvning terapevtik jihatlari — biopsiya olish, qon ketishni to‘xtatish va davolash samaradorligini baholashdagi o‘rni yoritildi. Olingan natijalar FGDS dispeptik sindromli bemorlarda diagnostika aniqligini oshirish va samarali davolashni ta’minlashda muhim ahamiyatga ega ekanligini tasdiqlaydi.