MATEMATIKA FANINI O‘QITISHDA INTERFAOL METODLAR

Annotatsiya: Matematika fanini o‘qitishda interfaol metodlar ta’lim jarayonini yanada jonlantirish, o‘quvchilarni mustaqil fikrlashga undash, ularning fanga bo‘lgan qiziqishini oshirish va natijada yuqori samaradorlikka erishish uchun muhim ahamiyatga ega. Hozirgi zamon pedagogikasi o‘quv jarayonini an’anaviy, ya’ni faqat o‘qituvchi bilan o‘quvchi o‘rtasidagi bir yoqlama munosabatdan chiqarishga, darslar mazmunini interfaol usullar yordamida rivojlantirishga katta e’tibor qaratmoqda. Interfaol metodlar matematika fanini o‘rganishda bilimlarni chuqurlashtirish, tushunchalarni hayotiy vaziyatlarda qo‘llash, mantiqiy fikrlashni rivojlantirish va mustaqil ishlash ko‘nikmalarini shakllantirish uchun keng imkoniyatlar yaratadi.