QORAQALPOG'ISTON TELEKANALIDA TOK-SHOU JANRINING EVOLYUTSIYASI: MAZMUNI, TILI VA STILI

Mazkur maqolada Qoraqalpog‘iston telekanalida tok-shou janrining shakllanishi va evolyutsiyasi ijtimoiy-kommunikativ jarayonlar bilan uzviy bog‘liqlikda tahlil qilinadi. Tadqiqotda tok-shoularning jamiyatdagi o‘rni, ularning mazmuniy yo‘nalishlari, til va uslubiy xususiyatlari hamda jamoatchilik fikrini shakllantirishdagi ahamiyati yoritilgan. Ayniqsa, “Aytarım bar” va “Pikirler kesilispesi” tok-shoulari misolida ijtimoiy muammolarni ochiq muhokama qilish, qarama-qarshi fikrlarning to‘qnashuvi va bahs madaniyatining shakllanishi ilmiy jihatdan asoslab berilgan. Shuningdek, tok-shou janrining muloqot madaniyatini rivojlantirish, fuqarolik faolligini oshirish va ommaviy diskursni shakllantirishdagi funksional imkoniyatlari ochib berilgan. Tadqiqot natijalari milliy televideniyeda tok-shou janrining zamonaviy ommaviy kommunikatsiya vositasi sifatida tobora muhim ahamiyat kasb etayotganini ko‘rsatadi.